टायफाईड ची लक्षणे काय आहेत?

टायफॉइडची लक्षणं वेळीच लक्षात घ्या

टाइफॉइड हा पावसाळ्यात मोठ्या प्रमाणावर आढळणारा आजार आहे. या आजाराचा प्रसार दूषित अन्न किंवा पाण्यामुळे होतो.
टाइफॉइड हा पावसाळ्यात मोठ्या प्रमाणावर आढळणारा आजार आहे. या आजाराचा प्रसार दूषित अन्न किंवा पाण्यामुळे होतो. अस्वच्छ वातावरणात एस. टायफि हा जीवाणू विकसित होतो आणि उघड्या अन्नाला किंवा पाण्याला तो दूषित करतो. दूषित अन्नपदार्थ खाल्ल्यामुळे किंवा पाणी प्यायल्यामुळे जीवाणूचा प्रादुर्भाव होऊन टायफॉइडची लागण होते.

ताप आल्यावर एक किंवा दोन दिवसांनी टाइफॉइडचे निदान करण्यासाठी डॉक्टरांकडून विडाल चाचणी करण्यास सांगण्यात येते. खरं तर ताप आल्यानंतर सात दिवसांनंतर ही चाचणी करावी आणि टायफॉइड तापाचं निदान करण्याचे विविध मार्ग आहेत. विडाल चाचणीत जीवाणूंची विशिष्ट संख्या असल्यास सक्रीय किंवा वाढत जाणाऱ्या टायफॉइडचे निदान करण्यात येते. बहुतेक प्रकरणांमध्ये डॉक्टरांकडून इतके विस्तृत निदान करण्यात येत नाही आणि या रोगाचे चुकीचा अर्थ लावण्यात येतो. रुग्णांना विनाकारण टायफॉइडची औषधं देण्यात येतात. यामुळे औषधांना प्रतिकार करण्याचे (ड्रग रेसिस्टन्स) प्रमाण वाढते आणि टायफॉइडवर उपचार करणं कठीण होऊन बसतं. दूषित वातावरणात प्रमाणाबाहेर खाल्ल्यामुळे टायफॉइडची लागण होते. टायफॉइड बॅसिलस हा जीवाणू अस्वच्छ वातावरणात किंवा उघड्यावर ठेवलेल्या अन्नाला दूषित करतो. जेव्हा असे अन्नपदार्थ खाल्ले जातात, तेव्हा हा जीवाणू त्या व्यक्तीच्या रक्तप्रवाहात प्रवेश करतो. परिणामी, विषमज्वराची लागण होते. म्हणूनच स्वच्छ वातावरणातील अन्नपदार्थांचे सेवन करणं आणि गरम अन्न खाणं आवश्यक असतं. प्रतिजैविकांच्या विनाकारण वापरामुळे विषमज्वरावरील औषधांचा जीवाणूंकडून प्रतिकार करण्यात येत असल्याचं आढळून येत आहे. त्यामुळे योग्य प्रमाणातील संयुक्त औषधे (कॉम्बिनेशन ड्रग) देण्यात येत आहेत.

उच्च तापमान दर्शवणारा ताप किंवा कमी-अधिक होणारा ताप ही विषमज्वराची लक्षणं आहेत. काहींना उलट्या किंवा जुलाबही होतात. अलीकडे काही जणांना मलमूत्र विसर्जन करताना जळजळ जाणवते. अशा व्यक्तींनी ताबडतोब डॉक्टरांचा सल्ला घ्यावा आणि सॅल्मोनेलासाठी जीवाणूचे अस्तित्व जाणून घेण्यासाठी ब्लड कल्चर चाचणी करावी. यामुळे एखाद्याला टायफाइड आहे का? त्याचं निदान होतं आणि त्यानुसार उपचार करता येऊ शकतात. प्रतिबंधात्मक उपाय म्हणून अस्वच्छ वातावरणातील अन्नपदार्थांचं सेवन करू नये. कुठलंही पाणी पिणं टाळावं. अन्नपदार्थ गरम करून खावेत आणि काही महिने बाहेरचे पदार्थ खाऊ नयेत.